اصحاب فى منتدى

زائرنا العزيز يشرفنا دعوه سياتدكم للتسجيل فى منتدانا منتدى اجمل اصحاب منتدى (( اصحاب فى منتدى))


    اكبر مكتبه امثال حتشوفها فى حياتك.........

    شاطر

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    اكبر مكتبه امثال حتشوفها فى حياتك.........

    مُساهمة من طرف الشاعر في الجمعة 04 أبريل 2008, 12:23 am

    امثال

    1. قال جدك سابلك ايه قال ابويا ومات.

    2. عمر القريب ما يشفى ولا يصيب .

    3. الحب فى القلب زى عضه الكلب.

    4. مالقتش حد نعاديه جبت اخويا ونزلت ضرب فيه.

    5. اللى ما يغير يبقى من الحمير.

    6. قال مالك مربى قال من عند ربى.

    7. الكلب ينبح مترح ما يشورله صاحبه.

    8. العملات المزيفه ما تسويش ثمن الكيس اللى تتشال فيه.

    9. اذا لقيت فيه ناس بتعبد العجل حش ورميله.

    10. ما عدوك الا ابن كارك.

    11. خديلك راجل يبقالك فى النهار أجير وفى الليل غفير.

    12. قالو جبسك يحلالى يا خالى قالو ده من سوء بختى يابن اختى.

    13. ما حد بيقول طق الا من حق.

    14. ختك لواز ختك عواز ختك اكيد بيك العوازل كدت انا نفسى.

    15. ان بيت اخوك وقع الحقلك منه قالب.

    16. جوع كلبك يجرى وراك.

    17. قال زرعنا شجرة (لوكان) وسقينها بميه (ياريت) فى الاخر طرحت

    ماكنش ينعز.

    18. ادلعى يادره لحد ما يطردوكى بره.





    19. العيش مخبوز والميه فى الكوز.

    20. اش كبرك عنى وانت ابن عمى.

    21. اللى جوزها يحبها الشمس تطلع لها واللى ما يحبها وشها زى ضهرها.

    22. ان القرد تاب ماكنش جرى وخاب.

    23. ماهى الفاضيه تسلى القرعه.

    24. قبل ما تناسب حاسب.

    25. حمار شحر فى مطلع شتم اللى على التل.

    26. الهم يقعد ويطول والفرح يخلص الاول.

    27. كتكوت فى حله اهزها ولا فرخه فى عشه اهشها.

    28. بعد ابويا وامى الباقى كله جيران.

    29. اشترى بدرهم بلح بقالوا فى الحى نخله.

    30. الدنيا مصالح يابن صالح شوف مصلحتك.

    31. اللى ما دقش الكبده تعجبه الكرشه.

    32. ايد على ايد تقرب البعيد.

    33. خدى الشايب يدلعك ولا تخدى الصبى يلوعك.

    34. اللى داق المر قبلك يعيط لما يقبلك.

    35. اذا كان بد ك تصون عرضك وتلمه جوز بنتك للى عينها منه.

    36. قابل حبيبك مريش ولا تقابلوش مكرش.

    37. قال جوزناها عشان تتاخر راحت جبته راخر.







    تاااااااااااااااااااااااااااااااااااااااااااااابع





    :qwi: :qwi:


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الجمعة 04 أبريل 2008, 12:26 am

    تابع مكتبه الامثال ......ان شاء الله تعجبكم...



    1. ان جار عليك جارك حول باب دارك.

    2. يقولها انتى طالق تقوله قوم بينا ننام.

    3. كل شىء دواه الصبر وقله الصبر ما لهاش دوا.

    4. اللى ابوه ما يسبلوش عمه مايدلوش.

    5. الحمار ان شبع يبعزق عليقه.

    6. لبس الخنفسه تبقى ست النسا.

    7. عريس الهنا يبان من نفقته.

    8. عتاب الندل اجتنابه.

    9. يارايح كتر من الفضايح.

    10. القديمه تحلى ولو كانت وحلا.

    11. اللى ما تصرفوش ما تملكوش.

    12. قال يابا ايه اللى احسن من العسل قال الخل ان كان ببلاش.

    13. كلب الدارين ما ينفعش.

    14. اللى ما يقدر على اكل الشطه يبقى راجل اونطه.

    15. لو كان يهمك حالى كنت بكيت بدالى.

    16. لا يضيع حق وراءه مطالب .

    17. ويل اهون من وليين .

    18. النهارده قهر وبكره قهر هو العمر فيه كام شهر .

    19. كل حاجه تقع من رجلها الا ابن ادم يقع من لسانه .

    20. كلمه ياريت عمرها ما تعمر بيت .





    21. من قل عقله .. تعبت رجليه.

    22. كل عيش حبيبك تسره وكل عيش عدوك تضره .

    23. اول الرقص حنجله.

    24. البحر ما يتعكرش من ترعه .

    25. مدام منتاش رفاعى بتمسك التعبان ليه .

    26. اللى مراته مفرفشه يجرى على البيت من العشا .

    27. من كتر حبهم فيه مبأش فيه حاجه تقدر تكفيه .

    28. قضمه ولا نحته .

    29. الستات زى التعابين مالهومش طيب .

    30. الرغيف المقمر للشاطر اللى يدور .

    31. الستات ان حبوك ياويلك وان كرهوك ياويلك .

    32. ان كان رزقك ديق حطه فى ماعون واسع .

    33. طول ما ابن ادم حى رزقه جى .

    34. مطرح ماترسى دوقلها .

    35. الضمانه اولها شهامه وأخرها غرامه .

    36. قول فى وشه ولا تغشه .

    37. قالوا للديك صيح قال كل شىء فى وقته مليح .

    38. اضحك والضحك رخيص قبل ما يغلى ويتعبى فى قراطيس .

    39. عاشر عاشر مسيرك مفارق .

    40. خد وادى تكسب ودى .





    41. الضحك على الشفايف والقلب يصبغ مناديل .

    42. اللى فى الحله تطلعه المغرفه .

    43. من حب نفسه كرهه الناس .

    44. انصح الجاهل يعاديك .

    45. جت لى شرقه فى ريقى بينتلى عدوى من حبيبى .

    46. تموت الحدايه وعينها فى الصيده .

    47. بعد العيد ما يتفتلش الكحك .

    48. اللى حبه ربه واختاره جاب له حاجته لحد داره .

    49. قيراط ملك ولا فدان شرك .

    50. اللى يسعدها زمنها تجيب بناتها قبل صبيانها .

    51. اكنس بيتك ورشه ما تعرف مين يخشه .

    52. قال يا جحا فين بلدك قال اللى فيها مراتى وما فيهاش حماتى

    53. بيع الجمال واشترى خفه الجمال كتير بس الخفيف صدفه .

    54. وقت القصعه تبقى تسعه ووقت الحاجه تبقى وحاده .

    55. الشجره اللى ما تضلل على اهلها تستاهل حرقها .

    56. البدريه هتعلم امها الرعيه .

    57. جبنا سيره المليونير جانا يرفرف على جناح الطير .

    58. يا واكل قوتى يا ناوى على موتى .

    59. اللى مالوش شغله تشغله يفتح الباب ويقفله .

    60. عمر العدو ما يبقى حبيب وعمر شجره التين ما تطرح زبيب.





    تااااااااااااااااااااااااااااااابع







    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الجمعة 04 أبريل 2008, 2:59 am

    1. ان عيط ابنك عيط معه ما تعرف ايه اللى بيوجعه .

    2. اللى يخاف من العرسه ميربيش كتاكيت .

    3. اللى يبيع يغتنى سنه واللى يشترى يفتقر سنه .

    4. قالوا للكاتب استريح قام وقف .

    5. نايم فى الميه وخايف من المطر .

    6. الجار جار ولو جار .

    7. قالوا لجحا عد البحر قال الجيات اكتر من الريحات .

    8. بتكون مكحسه وتقول للجوهرجى تقلى الخلخال .

    9. يا نحله لا تقرصينى ولا عايزه عسل منك .

    10. خدلك من كل بلد صاحب ولا تاخد من كل بلد عدو .

    11. اللى ما لوش غرض يعجن يقعد ست ايام ينخل .

    12. الفار وقع من السقف القط قاله اصمله .

    13. كله سلف ودين حتى المشى على الرجلين .

    14. البحر واحد والسمك ألوان .

    15. السبع لما يشيخ تركبه القرود .

    16. كل ما اقول يارب توبه يقول الشيطان بس النوبه .

    17. تولد كل يوم مائه وتقول يا قله الذريه .

    18. ان جاعوا زنوا وان شبعوا غنوا .

    19. اللى يسكت وما يقولش لمراته ليه رحمه الله عليه .

    20. الشيخ البعيد .. سره باتع .





    21. سكه ابو زيد.. كلها مسالك .

    22. الميه والنار .. ولا حماتى فى الدار .

    23. دخانك عمانى وطعامك ما جانى .

    24. لا تذم ولا تشكر الا بعد سنه وست اشهر .

    25. افتكرناك ياضيف خفيف ..لقيناك ياضيف تشتى وتصيف .

    26. زى الطبل صوت عالى وجوف خالى .

    27. بكره يهل رجب .. ونشوف العجب .

    28. لف سنه ولا تخطى قنا .

    29. قليل البخت عضه الكلب فى المولد .

    30. البخيل يحسب حتى اللى فى الزير .

    31. قالوا للجمل رقبتك عوجه قال وانا فيه ايه عدل .

    32. المطرح ديق والحمار قرفان .

    33. قبل ما تتخطب جابت المأذون وقبل ما تحبل جابت الكمون وقبل ما تولد سمته مأمون .

    34. عمل ذى اللى ساب اللى دبح ومسك فى اللى انسلخ .

    35. اللى تخاف منه ما يجيش احسن منه .

    36. اللى يعمل ايده مغرفه يصبر على ضرب الحلل .

    37. جوزهاله مالها لاله .

    38. ان اصطلح القط والفار خرب دكان البقال .

    39. من كتر خطابها بارت .
    تااااااااااااااااااااااااااااااااااااااااااااااااااااااابع


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الجمعة 04 أبريل 2008, 3:00 am

    1. طمعنجى بنا له بيت فلسنجى سكن له فيه .

    2. الاسكافى حافى والحائك عريان .

    3. سبع يكلك ولا قطه تقطعلك هدومك .

    4. اسمع جعجعه ولا ارى طحنا .

    5. اللى ييجى من الهوا يروح فى الطراوه .

    6. يبان على وشك يا نداغ اللبان .

    7. نزلت سوق البخوت اشتريلى بخت لقيت كل البخوت قاعده على مقاعد وانا اللى بختى قاعد يحرص الشباشب تحت قلت له ليه كده يا بخت قالى عايزه ايه يا روح خلتك هاتسكتى ولا انزل اقعد تحت .

    8. الرايب ما بيرجعش حليب تانى .

    9. المحتاجه تعمل اى حاجه .

    10. ادى شيله وادى حطه ما راح الجمل ورجعت على بطه .

    11. ضربنى وبكى وسبقنى واشتكه .

    12. اللى تماكه اليد تزهده النفس .

    13. كيد العوازل مين قده لو مال على حيط هده .

    14. اللى ييجى من الصعايده فايده .

    15. ادينى عمر وارمينى البحر .

    16. ياكاشف عيوب الناس دارى عيوبك .

    17. ابوك البصل وامك التوم مينين هاتيجى الريحه الطيبه يابن الشوم .





    18. قال يا مخلفه البنات شايله الهم لحد الممات .

    19. قالو للجمل زمر قال على ايه لا صوابع مبرومه ولا شفايف ملمومه .

    20. خد حبيبك على هواه لما ييجى ديله على قفاه .

    21. قبل ما تناسب شوف الردى من المناسب وخد الاصيله ولو نايمه على حصيره .

    22. بختى لاقانى فى الطريق بعرج قالى ارجعى ياخايبه لاقعد.

    23. باب الحزين ملطخ بالطين .

    24. ان عاشوا اكلوا الدبان وان ماتوا مش لقيوا الاكفان .

    25. قسموا القسايم وخدت انا الكومى قالوا حزينه قلت من يومى .

    26. قالوا للورد تعالى لما اشمك قال وادى اليوم اللى بتمناه .

    27. مالك ملالى وعالى ياظعبوط اش حال ماكنت واطى وهلفوت .

    28. عن الحماه} دى لاضره..ولاسلفه.. دى داهيه مختلفه{

    29. بفلوسك بنت السلطان عروسك .

    30. يا فاحت لاخوك البير لابد من وقوعك فيه .

    31. اتلم تنتون على تنتن واللتنين انتن وانتن .

    32. يا مستنى السمنه من بطن النمله يبقى عمرك ما هاتقلى .

    33. كل شىء يشبهله حتى الحمار واللى انيه .

    34. اعمى قابل اعمى قالوه الحمد لله ان احنا اتجمعنا .

    35. الاسم طوبه والفعل امشير .





    36. الرقاص يشخشخ .. والحجر واقف .

    37. لا تعاشر الاقرع ولا تاخد منه نصيحه ده لو حبه ربه كان خلهاله صحيحه .

    38. ده لاته ولا به ولا راح ولا جه ولو عملها من غيرى ما يعرف يقول اه .

    39. لا عزول يهمك ولا حما تغمك .

    40. البيض المنشش بيدحرج على بعضه .

    41. الهم يقعد ويطول والفرح يخلص الاول .

    42. الشايب لما يدلع يبقى ذى الباب المخلع .

    43. لو كان الجمل شاف سنمه كان قطعه .

    44. كدب مساوى ولا صدق مفشفش .

    45. عيبت الادره على المغرفه قالتلها ياسوده يامقرفه .


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    BEAUTY FLOWER
    عضو مرشح للاشراف
    عضو مرشح للاشراف

    انثى
    عدد الرسائل : 972
    العمر : 28
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف BEAUTY FLOWER في الثلاثاء 08 أبريل 2008, 9:09 pm

    حلوين جدا يا شاعر تسلم عليهم

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الخميس 10 أبريل 2008, 1:34 am

    شكرا فلاور على الرد الجميل ونورتينى بجد


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    cindrella
    عضو مرشح للاشراف
    عضو مرشح للاشراف

    انثى
    عدد الرسائل : 1383
    العمر : 27
    العمل/الترفيه : ترجمه
    تاريخ التسجيل : 24/03/2008

    رد: اكبر مكتبه امثال حتشوفها فى حياتك.........

    مُساهمة من طرف cindrella في الأربعاء 23 أبريل 2008, 11:56 pm

    lol! lol! lol!


    تسلم ايديك يا شاعر

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الخميس 24 أبريل 2008, 2:05 pm

    متشكر قوى سندريلا على المرور

    منورانى جدا


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    الفارس الملثم
    عضو ملكى
    عضو ملكى

    ذكر
    عدد الرسائل : 383
    العمر : 30
    العمل/الترفيه : الجنة ان شاء الله
    تاريخ التسجيل : 13/03/2008

    رد: اكبر مكتبه امثال حتشوفها فى حياتك.........

    مُساهمة من طرف الفارس الملثم في الثلاثاء 12 أغسطس 2008, 8:47 am

    مشكوووووووورجدااااااااا



    بس جبتها من فين الامثال دي

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: اكبر مكتبه امثال حتشوفها فى حياتك.........

    مُساهمة من طرف الشاعر في الأربعاء 13 أغسطس 2008, 7:06 pm

    شكرا يا فارس على مرورك نورتنى


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

      الوقت/التاريخ الآن هو الخميس 08 ديسمبر 2016, 3:03 am