اصحاب فى منتدى

زائرنا العزيز يشرفنا دعوه سياتدكم للتسجيل فى منتدانا منتدى اجمل اصحاب منتدى (( اصحاب فى منتدى))


    شوية نكت ناااااااااااااااااااااااااااااررررررررررررر

    شاطر

    محمود أمين
    عضو ذهبى
    عضو  ذهبى

    ذكر
    عدد الرسائل : 104
    العمر : 27
    العمل/الترفيه : محاسب
    تاريخ التسجيل : 25/03/2008

    شوية نكت ناااااااااااااااااااااااااااااررررررررررررر

    مُساهمة من طرف محمود أمين في السبت 05 أبريل 2008, 12:16 am

    مره واحد بلديتنا لقى خاتم سليمان جه يدعكه فعص العفريت


    بياع جرايد ابوه مات مشى فى الجانازة يقول اقرا الفاتحة


    اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا


    مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين


    مرة واحد بلدياتنا خطف ابنه لمده اسبوعين ولما مفيش حد سأل عليه قتله


    مره واحد بلدياتنا اتجوز جه ابو العروسة قاله لو لقيتها بنت اضرب طلقتين فى الجو وفرحنا ولو لقيتها مش بنت اقتلها واغسل عارنا..او
    ل يوم ضرب طلقتين وتانى يوم موتها

    واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!!


    واحد دمياطى بيغرق ..... منوفى ماشى على الشط .. الدمياطى انقذنى ... المنوفى قاله هات جنيه ....الدمياطى بببببريززةااااا


    ابو العربى فى حرب اكتوبر راكب فلوكه فى القنال وبيحكى ويقول لقيت فوقى واد طيار اسرائيلى اول ما شفنى حدف عليا صاروخ قمت زقيته ..راح حادف واحد تانى وطيت راسى راح جاى فى الفلوكه وقعت فى المية واتشعلقت فى خشبة وقعت اجدف بيدى.. حدف عليا صاروخ تانى قمت غاطس فى القنال.. برده لقيته نازل بالطيارة عليا وقرب منى خالص وحدفلى قروصه مارلبورو وقال لي جدع يآله


    كمسري أبوة مات ماشى في الجنازة يقول يا حضرات الجنازة فاضية آدام


    اتنين بلدياتنا بيلعبوا شطرنج واحد اكل لواحد الفيل التاني قام سم له البهايم


    مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى



    طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات


    بلدياتنا فتحوا محل بيتزا .....سموه بيتزا هعععععععععععع


    بيقولك ولد صغير كل يوم يعدي على البقال يقوله عندك شيبسي يقوله البقال ايوه يقوله طيب اديني كيس لايز....اليوم اللي بعده يقوله عندك هوهوز يقوله ايوا عندي الولد يقوله طيب اديني اتنين توينكيز....و كل يوم بالشكل ده. البقال اشتكى لأبو الولد الصغير و حكاله فالاب انفعل جدا و قال للبقال: عند عصايه؟ قاله: ايوا الاب قاله : اديله بالألم


    مرة ابو العربى ركب مركبه فقامت عليه موجه راح مطلع المطوه قال له بلآش انت يا بحرّّّّّّّّ‌‌‌‌‌


    مرة واحد كبابجى اتجوز فرش لمراته السرير بقدونس


    مرة إتنين حلاقين بيسمعوا ماتش فالمذيع بيقول شاط شوطة بمشط رجلة حلوة فى المقص راح الصبى قال إلحق ياسطى بيلعبوا فى العدة


    في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك


    مرة واحد ندل وصى ولادة وهو فى غرفة الانعاش يكونو ا اندل منه ، راحو فصلوا عنه جهاز الاوكسجين


    واحد نذل ابوه طرده من البيت وهو طالع كتب على السور ، مقر حركة طالبان

    سكران بيقول سبحان الله الانسان زي البني ادم لما بيتوفى بيموت


    مرة إتنين مساطيل راكبين عربية فواحد قال للتانى : حاسب قدامك شجرة فالتانى مردش عليه فعلى صوته شوية : قدامك شجرة برضه مردش عليه فقاله : حاسب قداااامك شجرررر .. طاخ خبطوا فى الشجرة فطلع من العربية و قاله .. مش قلتلك قدامك شجرة ؟؟؟ فالتانى رد عليه : و أنا أعملك إيه مش إنت إلى سايق ؟؟؟

    بلديات فتح محل انابيب غاز .. فجّر اسطوانتين فى وسط البلد .. دعاية


    اثنين مبسوطين قوى قاعدين يعملوا دماغ قدام المراية فواحد منهم قال للتاني شايف الاتنين اللي قاعدين قدمنا دول ؟ قالوا ايوة قالوا دول بيعملوا زيينا بالظبط ، فقام قاله طب ما تيجي نروح لهم...... وهما جايين يقوموا فواحد منهم قال للتاني استني..هما اللى جايين خلاص


    واحدة راحت تخطب لابنها .. ام العروسة بتسألها ... وياترى ابن
    ك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر


    اتنين مساطيل قاعدين يحششوا ...فمرت جنازة فواحد بيقول للتاني هي جنازة مين دي يا مدحت؟ فرد علية دي جنازة عمّ محروس فقال الاولانى الله يرحمه ، وتاني يوم وهما قاعدين في نفس المكان مرت جنازة فنفس الشخص سال هي جنازة مين دي يا مدحت ؟ فرد عليه دي جنازة عمّ محروس فقال الله برحمه ، وتالت يوم وهما قاعدين في نفس المكان مرت جنازة فنفس الشخص سال هي جنازة مين دى ؟ قاله دي جنازة عمّ محروس فقاله: هي الدنيا ملطشة معاه كدة لية

    عملوا كبسة على جماعة حشاشين و كان فيهم ولد صغير فالظابط بيسأله: و الشمام الصغير اسمة اية ؟؟ قاله : كنتالوب يا بية


    واحد بلدياتنا حب واحدة 00اتجوز أختها علشان يضمن يشوفها كل يوم

    مرة واحد مؤرف اوي مابيسيبش حد في حاله يكسر في عربيات الناس يضرب العيال الصغيرة مات المهم دخل الجنة فاصحابه بيدوروا عليه مش لاقيينه فين و فين لاقوه في اخر الجنة بيحدف بنزين علي بتوع النار

    مره واحد بلدياتنا وقع في حفره حدفوله حبل طلع مشنووووووق

    مرة واحد منوفى خرج من الجيش فتح كشك شرطة عسكرية

    مره واحد بلدياتنا بيلعب فى منخيره كوعه اتحشر

    واحـد بلديـنا شــاف دورة مياه ،، راح يـســـجل فيهــا

    مرة محامى مسطول وقف امام القاضى يترافع فقاله يا سيدى القاضى ان القانون يانص..ياربع..ياتمن

    بو العريى قابل واحد صاحبه متغاظ من امريكا فقال له شوف امريكا من غضب ربنا عليها خلاها هناك فى آخر الدنيا لكن مصر يادوب ساعتين بالييجو


    ابو العربى لما اشترى موبيل ماشى فرحان قوى راح للحلاق شويه والموبيل رن الو: ازيك يامحموووود عرفت منين ياد ان انى عند الحلاق

    مره واحد اخنف وقع في حفره فجه واحد معدى قاله ممكن تطنعني ....فقال انت كمان حتتنيء عنيه

    اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه

    مره أبو العربى ماشى فى الشارع قابل أبو محمد بيقول له هوا أبوك بيتآلط علينا ليه قال له ليه ياعم... قال له من ساعة مامات محدش عاد بيشوفه

    ابو العربى قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى رد عليه واحد من اللى قاعدين قاله صح يابو العربى انا قابلت نفس الاسد ضربته بالقلم ايدى اتبلت

    مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية قاف ميم فقال لزميلوا ايه قاف ميم ديه قالوه التاني ده تقريبا رقم العربية الي دستوا

    مره واحدبلدياتنا بيلعب كوره انفرد بحارس المرمي قتله

    واحد غبى دخل بيته حرامى سرق التليفزيون وهرب ... جرى وراه يديه الريموت

    مرة واحد بلدينا بيقول لعسكرى زميله فى الحرب : انت من دشنا ؟ قال له لأ .. راح ضربه بالنار وقال له تبقى من ديش العدو

    سواق ميكروباص راح يحلق شعره......الحلاق بيساله عايز تحلق شعرك ايه؟؟؟؟؟ قاله!!اى حته على جنب....

    واحد بلدياتنا اشترى تاكسى ولما الناس بتنده عليه فى الشارع و تقول تاكسى يرد عليهم من شباك التاكسى ويقول ايوه تاكسى

    تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!

    بلدينا عايز يروح حفلة تنكرية بعت اخوه

    واحد فلاح أشترى تلفزيون جديد أول ما شغله طلعله عالم الحيوان قال لأبنه روح يا ولا شيل الأريال من الزريبة

    سبع بلدياتنا عملوا عصابه.... سموها الشجعان الثلاثه

    واحد ندل اويييي راح عند مقبره وشغل الكاسيت على العالي على اغنيه الحياه حلوه

    مره مهندس وقع فى حفره رفعوه بزاويه

    السعودية إ تبرعت للصومال بشحنة أدويه ، فرجعتلها تانى ليه؟؟؟؟؟؟؟؟؟؟ ؟ لانها كلها بعد الاكل


    في واحد دلوووع اوي اتجوز وحده دلوعه اوي خلفو ولد سموه ياااااااااااااااااااااااااي

    ذل اتصل على برنامج أغانى ، و طلب اغنية بابا فين ، و اهداها لكل أيتام العالم

    مدرس رياضه نذل.... عينوه في مدرسه معاقين اول درس كان بعنوان : قفز الحواجز


    سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

    في واحد عم يعاني من مرض الديدان راح عند كتير من الأطباء وما مشي الحال آخر شي قالوا له في شيخ بيشفي من كل الأمراض راح لعندو و شكى له حالته فقال له مشكلة كتير بسيطة بتروح عند محل ببيع البطيخ و بتشتري بطيخة حمرة كبيرة بتقطع راسها و بتقعد عليها بقوم رئيس الديدان بينزل بيلحس منها شوي بيشوفها حلوة بيقوم بيقول للديدان شباب انزلوا راح الزلمي اشترى أكبر بطيخة حمرة و قعد عليها نزل رئيس الديدان ولحس منها شوي وشافها حلوة قلهم شباب طلعوه


    مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة

    مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه

    مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا

    مره واحد راح للسوبر ماركت قله عندك معلبات رد عليه ايوه قله طاب ادينى علبة كبريت

    واحد راح لبتاع الخضار قال له عندك ملوخيه خضراء قال له اة قاله مفييش الوان منها

    اتنين قاعدين بيحششوا فوق السطوح... الاول: الحق يا منير ابوك مات .. ، راح شدله حجرين وقعد يعيط ..... بعد شوية الحق يا منير امك ماتت ... ، راح شدله حجرين تانى وقعد يعيط .... شويه يا منير الحق اخوك مات ... راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه ....وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً

    في واحد مسطول سالوه ايه رايك في الزواج المبكر ؟ قال لهم .... يعنى حوالي الساعة كام ؟؟

    مساطيل قاعدين بيصيدوا جراد ، عدّت من فوقيهم هليكوبتر .... واحد منهم قال جت أمهم ... استخبوا استخبوا


    اتنين مساطيل راكبين سيارة صدمواواحد..فالسائق بيقول للى جنبة:انزل شوفو..مات ولا لسة..؟؟ نزل المسطول التانى وقال:تعال يمين شوية..ايووه..شمال شوية..بس..اطلع قدام...اوكى..كده مات

    محشش لقي كنز صار يدور علىالخريطه

    واحد مسطول دخل على مراته لقاها مع واحد تاني في السرير.... قالها : الله الله ...نايمة مع راجل غريب..ناقص كمان تشربيلي سجاير..!!

    واحد مسطووووووول أتصل على الإذاعة : أحب ان أهدي الأغنية الجاية للخطيبة الغالية بمناسبة المولود الجديد

    واحد محشش صايم اتصل على ما يطلبة المستمعون حكولة شو بتحب تسمع قلهم مقطع من اذان المغرب

    مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها

    مره واحد بلديتنا جاب عربيه اوتوماتيك راح قاطع رجله الشمال

    سوداني اتجوز سودانيه خلفه صبي اشقر وعيونه خضر سمه مستحيل

    فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس

    مره مهندس خارج من بيته مراته بتقوله على فين العزم قالها فىاتجاه القوه

    مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!! لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب... الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها

    مرة اجتمعت سيدات العالم علشان يحطو حد لظلم المرأة ... وقرروا انه كل وحدة تتكلم مع جوزها بالموضوع ده.......... وبعد فترة سالوا الامركية حصل ايه معاك؟ قالت انا رحت وحكيت مع جوزى انه ما ينفعش افضل بالبيت وانت تفضل برة ، ولازم تساعدني بشغل البيت.. المهم اليوم الاول ماشفت حاجة ، اليوم التاني ما شفت حاجة برضه ... اليوم الثالث بدأ يساعدني بشغل ابيت...... وسالوا الفرنسية وانتي حصل ايه معاك؟ قالت انا رحت وحكيت مع جوزى نفس الكلام.. المهم اليوم الاول ماشفت حاجة ، اليوم التاني ما شفت حاجة ، اليوم الثالث بدأ يساعدني بشغل البيت...... وبعدين سالوا العربية؟؟؟ وانتى حصل ايه معاك قالت انا رحت وحكيت مع جوزى نفس الكلام .... المهم اليوم الاول ماشفت حاجة ، اليوم التاني ما شفت حاجة ، اليوم الثالث ....بدأت اشووف بعيني اليمين!!!!!

    مرة 4 دراكولا قاعدين علي قهوة 3 طلبوا دم سخن والرابع طلب مايه مغليه ليه ...؟ علشان معاه دم فتله

    واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا

    فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم

    تلاتة بيحششوا واحد قال لهم لو البوليس جه دلوقتى نعمل ايه واحد قال انا هاعمل نفسى سيجارة مرمية على الارض والتانى قال انا هاعمل نفسى سيجارة مرمية على الطفاية والتالت قال انا هاعمل نفسي سيجارة مرمية من الشباك لما جه البوليس واحد رمى نفسه على الارض والتانى رمى نفسه على الطفاية والتالت رمى نفسه من الشباك فوقع على واحد فى الشارع قال له احرقونا بقه احرقونا

    واحد حرامى سرق باب من واحد مسطول ...... فالمسطول قعد يجرى وراه الحرامى ... فقام الحرامى حاطط الباب فى نص الشارع وجرى ....فالمسطول وقف عند الباب وقال له افتح يا جبان احبكم في الله والسلام عليكم ورحمه الله وبركاته

    الشاعر
    المدير العام
    المدير العام

    ذكر
    عدد الرسائل : 5258
    العمر : 29
    الموقع : www.friends100.nice-topic.com
    العمل/الترفيه : حاصل على ليسانس حقوق
    تاريخ التسجيل : 12/03/2008

    رد: شوية نكت ناااااااااااااااااااااااااااااررررررررررررر

    مُساهمة من طرف الشاعر في السبت 05 أبريل 2008, 1:32 am

    واحدة راحت تخطب لابنها .. ام العروسة بتسألها ... وياترى ابن
    ك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر



    ههههههههههههههههه

    شكرا يا حوده على النكت الجميله قوى دى


    ــــــــــــــــــــــــــــــــــ ×*× أصحــــاب فى منتــــدى ×*× ـــــــــــــــــــــــــــــــــ







    __________ ×*× أصحاب فى منتدى ×*× __________

    الفارس الملثم
    عضو ملكى
    عضو ملكى

    ذكر
    عدد الرسائل : 383
    العمر : 30
    العمل/الترفيه : الجنة ان شاء الله
    تاريخ التسجيل : 13/03/2008

    رد: شوية نكت ناااااااااااااااااااااااااااااررررررررررررر

    مُساهمة من طرف الفارس الملثم في الثلاثاء 12 أغسطس 2008, 4:55 am

    هههههههههههههههههههههههههههه

    هههههههههههههههههههههه

      الوقت/التاريخ الآن هو السبت 10 ديسمبر 2016, 7:31 pm